Përpara se të lidhni pajisjen elektroshtëpiake me rrjetin elektrik, ju lutemi të lexoni me kujdes udhëzimet e përdorimit të cilat përshkruajnë pajisjen elektroshtëpiake dhe përdorimin e saj të rregullt dhe të duhur. udhëzimet zbatohen për disa lloje/modele të pajisjeve elektroshtëpiake; prandaj, këtu mund të përshkruhen parametra ose pajisje të cilat nuk janë të disponueshme në pajisjen tuaj elektroshtëpiake. Ne ju rekomandojmë që ta ruani këtë manual udhëzimi për referenca në të ardhmen dhe ta vendosni bashkë me pajisjen elektroshtëpiake në qoftë se do ta shisni në të ardhmen.

Manuali i udhëzimit përfshin variantin/modelin No Frost (pa ngrirje) të frigoriferit, i cili është i pajisur me një ventilator dhe në të cilin procesi i shkrirjes është automatik (vetëm në disa modele).

Kontrolloni për të gjitha dëmtimet ose parregullsitë në pajisjen tuaj elektroshtëpiake. Në qoftë se konstatoni se pajisja juaj elektroshtëpiake është e dëmtuar, njoftojeni shitësin nga i cili e keni blerë pajisjen elektroshtëpiake.

Përpara se të lidhni pajisjen elektroshtëpiake me rrjetin elektrik, lereni pajisjen elektroshtëpiake të qëndrojë në pozicion vertikal për një minimum prej 2 orësh. Kjo do të zvogëlojë mundësinë e defekteve të operimit për shkak të efekteve të transportit në sistemin e ftohjes.

Pajisja elektroshtëpiake duhet të lidhet me rrjetin elektrik dhe të tokëzohet në përputhje me standardet dhe rregullat në fuqi.

KUJDES! Mos vendosni priza shumëfishe portative ose pajisje elektrike portative në pjesën e pasme të pajisjes elektroshtëpiake.

Përpara se të pastroni pajisjen elektroshtëpiake, shkëputeni nga rrjeti elektrik (hiqeni kabllin e energjisë nga priza e murit).

KUJDES! Kjo pajisje elektroshtëpiake synohet të përdoret në banesa dhe në aplikime të ngjashme si:

• zonat e kuzhinës së stafit në dyqane, zyra dhe mjedise të tjera pune;

• shtëpitë e fermave dhe klientët në hotele, motele dhe në mjedise të tjera banimi;

• në ambientet e tipit shtrat dhe mëngjes;

• në aplikime kateringu dhe të ngjashme jo për tregti.

Pajisja elektroshtëpiake nuk mund të mund përdoret jashtë dhe nuk duhet të ekspozohet në shi.

Mos mbani lëndë shpërthyese si kanaçe aerosoli me gazra të djegshëm të lëvizshëm në këtë pajisje elektroshtëpiake.

Në qoftë se pajisja elektroshtëpiake nuk do të përdoret për një periudhë të gjatë kohore, fikeni atë duke përdorur butonin përkatës dhe hiqeni nga rrjeti elektrik. Boshatiseni pajisjen elektroshtëpiake, shkrijeni, pastrojeni dhe lereni derën të hapur.

Në rast defekti ose mosfurnizimi me energji elektrike, mos e hapni njësinë e ngrirjes për aq kohë sa ngrirësi nuk ka operuar për rreth 16 orë. Pas kësaj periudhe, përdoreni ushqimin e ngrirë ose siguroni ftohje të mjaftueshme (p.sh. një pajisje elektroshtëpiake zëvendësuese).

Paketimi është bërë nga materiale miqësore me mjedisin të cilat mund të riciklohen, të hidhen ose të shkatërrohen pa asnjë rrezik për mjedisin.

Heqja e një pajisjeje elektroshtëpiake e cila nuk përdoret më

Për të mbrojtur mjedisin, çojeni pajisjen elektroshtëpiake e cila nuk përdoret më në një qendër grumbullimi të pajisjeve elektroshtëpiake.

Përpara se të veproni kështu, bëni sa më poshtë:

• shkëputeni pajisjen elektroshtëpiake nga rrjeti elektrik;

• mos i lejoni fëmijët të luajnë me pajisjen elektroshtëpiake.

Simboli në produkt ose në paketimin e tij tregon se produkti nuk duhet të trajtohet si një mbetje e zakonshme shtëpiake. Produkti duhet të çohet në një qendër të autorizuar grumbullimi për përpunimin e mbetjeve elektrike dhe elektronike. Hedhja e produktit në mënyrën e duhur mund të ndihmojë në parandalimin e të gjitha ndikimeve negative të cilat mund të ndodhin në mjedis dhe në shëndetin e njerëzve në rast të heqjes jo të rregullt të produktit. Për informacion të detajuar për heqjen dhe përpunimin e produktit, ju lutemi të kontaktoni me organin përkatës bashkiak me detyrën e menaxhimit të mbetjeve, me shërbimin tuaj të hedhjes së mbetjeve ose me dyqanin ku e keni blerë produktin.

• Pajisjen elektroshtëpiake instalojeni në një dhomë të thatë dhe të ajrosur mirë. Pajisja elektroshtëpiake do të opreojë siç duhet në qoftë se temperatura e mjedisit është në intervalin e specifikuar në tabelë. Klasi e pajisjes elektroshtëpiake është dhënë në tabelën e të dhënave/etiketën me informacionin bazë për pajisjen elektroshtëpiake.

  Përshkrimi	Klasi	Diapazoni i temperaturës së ambientit ° C	Lagështira Relative
  E butë e zgjatur	SN	+10 deri +32	≤75%
  E butë	N	+16 deri +32
  Subtropikale	ST	+16 deri +38
  Tropikale	T	+16 deri +43

  Kjo pajisje nuk është për përdorim si pajisje inkaso.

  Mos e vendosni një pajisje elektroshtëpiake në një dhomë ku temperatura mund të bjerë më poshtë se 5 °C, pasi kjo gjë mund të shkaktojë një operim jonormal ose mosfunksionim të pajisjes elektroshtëpiake!

• Pas instalimit, priza e lidhjes me rrjetin e pajisjes elektroshtëpiake duhet të jetë e prekshme!

• Mos e vendosni pajisjen elektroshtëpiake në afërsi të pajisjeve elektroshtëpiake të cilat rrezatojnë nxehtësi, si sobat e gatimit, sobat e ngrohjes, radiatorët, nxehësat e ujit, etj. Dhe mos e ekspozoni ndaj rrezeve direkte të diellit. Pajisja elektroshtëpiake duhet të qëndrojë të paktën 3 cm larg nga soba e gatimit me gaz ose elektrike ose të paktën 30 cm larg nga soba ngrohëse me naftë ose me lëndë djegëse të ngurta. Në qoftë se distanca midis këtyre burimeve t ënxehtësisë dhe pajisjes elektroshtëpiake është më e vogël, përdorni një panel izolues.

Shënim: Vendoseni pajisjen elektroshtëpiake në një dhomë mjaftueshëm të madhe. Duhet të jetë të paktën një hapësirë prej 1 m3 për 8 gram gazi ftohës. Sasia e gazit ftohës tregohet në pllakën e të dhënave në pjesën e brendshme të pajisjes elektroshtëpiake.

Instalimi i pajisjes duhet të kryhet nga të paktën dy persona, për të shmangur plagosjen e personave ose dëmtimin e pajisjes.

• Pajisja duhet të qëndrojë e niveluar ose të përkulet pak nga mbrapa. Ajo duhet të jetë e qëndrueshme dhe të vendoset në një bazament të fortë. Në pjesën e përparme, pajisja është e pajisur me dy këmbë të rregullueshme që mund të përdoren për të niveluar pajisjen. Në anën e pasme, rrotat mundësojnë një instalim më të lehtë të pajisjes (vetëm me disa modele).

• Pasi të keni niveluar pajisjen duke përdorur këmbët e rregullueshme, rregulloni këmbën shtesë për qëndrueshmëri më të mire të pajisjes.

• Mos e ekspozoni pajisjen në rrezet e drejtpërdrejta të diellit dhe mos e vendosni pranë burimeve të nxehtësisë. Në qoftë se kjo gjë nuk mund të shmanget, instaloni një panel izolues.

Shënim: Kur vendosni pajisje pranë njëra-tjetrës, duhet të blihet dhe instalohet seti kundër lagështirës (kundër-kondensimit).

Kodi për të porositur setin:

Dhomë e thatë (lagështira relative nën 60%)	Pajisjet me një lartësi prej 1850 mm
pllakë plastike
NGJYRË GRI	850659

Kur e lidhni për herë të parë pajisjen në rrjetin elektrik, ajo do të jetë në modalitet pritjeje/gatishmërie (e fikur, por e furnizuar me energji).

• Temperatura në ndarjen e frigoriferit, mund të vendoset në gamën nga +1 °C deri në 9 °C.

• Sa herë që shtypni ose B1 ose B2, temperatura do të rritet ose do të ulet me 1 °C. Tre sekonda pas shtypjes së çelësit më të fundit, cilësimi aktual do të ruhet automatikisht si cilësimi më i fundit i temperaturës së vendosur për dhomëzën e frigoriferit të pajisjes.

• Cilësimi i rekomanduar për temperaturën është 4 °C.

• Temperatura në ndarjen e ngrirësit, mund të vendoset në gamën nga -16 °C deri në -24  C.

• Sa herë që shtypni ose C1 ose C2, temperatura do të rritet ose do të ulet me 1 °C. Tre sekonda pas shtypjes së çelësit më të fundit, cilësimi aktual do të ruhet automatikisht si cilësimi më i fundit i temperaturës së vendosur për dhomëzën e frigoriferit të pajisjes.

• Cilësimi i rekomanduar për temperaturën është -18 °C.

Për t’u kthyer nga modaliteti i gatishmërisë: shtypni pak butonin A ose J ose hapeni derën e ndarjes së frigoriferit. Në qoftë se ndonjë nga funksionet shtesë është i aktivizuar, ju mund të shtypni edhe butonin për aktivizimin ose çaktivizimin e atij funksioni shtesë, me qëllim që të nxirrni pajisjen nga modaliteti i gatishmërisë.

• Gjatë kohës që funksioni i ftohjes intensive (super cool) është i aktivizuar, temperatura e ndarjes së frigoriferit mund të vendoset ose të rregullohet si zakonisht.

• Megjithatë, për të ndryshuar temperaturën e ndarjes së frigoriferit, gjatë kohës që funksioni i ftohjes intensive (super cool) është i aktivizuar, funksioni i ftohjes intensive duhet të çaktivizohet paraprakisht duke shtypur butonin E.

Çaktivizimi: për të çaktivizuar funksionin e ftohjes intensive (super cool), shtypni butonin E. Do të dëgjohet një bip dhe treguesi i funksionit super cool nuk do të ndriçojë më. Në qoftë se ky funksion nuk çaktivizohet manualisht, ai do të çaktivizohet automatikisht pas afërsisht gjashtë orësh.

• Gjatë kohës që funksioni i ngrirjes intensive (fast freeze) është i aktivizuar, temperatura e ndarjes së ngrirësit mund të vendoset ose të rregullohet si zakonisht.

• Megjithatë, për të ndryshuar temperaturën e ndarjes së ngrirësit, gjatë kohës që funksioni i ngrirjes intensive (fast freeze) është i aktivizuar, funksioni i ngrirjes intensive duhet të çaktivizohet paraprakisht duke shtypur butonin H.

Çaktivizimi: për të çaktivizuar funksionin e ngrirjes intensive (fast freeze), shtypni butonin H. Do të dëgjohet një bip dhe treguesi i funksionit fast freeze nuk do të ndriçojë më. Në qoftë se ky funksion nuk çaktivizohet manualisht, ai do të çaktivizohet automatikisht pas afërsisht dy ditësh.

Çaktivizimi: për të çaktivizuar funksionin eco, shtypni pak përsëri butonin D. Temperatura do të kthehet në cilësimin më të fundit.

Funksioni eco do të çaktivizohet edhe kur të përdorni butonin B1 për të ndryshuar cilësimin e temperaturës në ndarjen e frigoriferit ose kur të aktivizoni cilindo nga funksionet e tjera shtesë.

E gjithë ndarja e ngrirësit mund të kthehet në ndarje ZeroZone. Temperatura në këtë ndarje është 0°C ose pak më poshtë. Rrjedhimisht, në këtë ndarje mos mbani ushqime të cilat janë të ndjeshme ndaj temperaturës së ulët, pasi ky ushqim mund të ngrijë. Përpara se të kaloni në funksionin ZeroZone, zbrazeni ndarjen e ngrirësit, për të mos lejuar që ushqimi i ngrirë të shkrijë dhe të prishet.

• Vendosja e temperaturës në ndarjen ZeroZone: për të vendosur temperaturën midis –2 °C dhe +3 °C, përdorni butonat C1 ose C2.

• Temperaturat janë me përafërsi dhe ato varen nga cilësimet e temperaturës në ndarjen e frigoriferit, temperatura e mjedisit, shpeshtësia e hapjes së derës dhe sasia e ushqimit të vendosur. Edhe vendosja e një temperature më të lartë në ndarjen ZeroZone, do të rritë temperaturën në ndarjen e frigoriferit dhe anasjelltas. Rregulloni cilësimet sipas kushteve të operimit.

• Në qoftë se ndarja e poshtme funksionon si ZeroZone, temperaturat në ndarjen e frigoriferit mund të vendosen vetëm në gamën nga 4 °C deri në +8 °C. Ne e rekomandojmë këtë përdorim vetëm kur temperatura e mjedisit është ndërmjet +16 °C dhe +32 °C. Në temperatura më të larta, nuk është e mundur të garantohen temperturat e ulta të përshtatshme në pajisje.

• Kur të aktivizohet funksioni Convert, të gjitha funksionet e tjera do të çaktivizohen.

• Çaktivizimi i funksionit Convert: shtypeni përsëri butonin G. Do të dëgjohet një bip dhe treguesi convert 0 °C nuk do të ndriçojë më.

Kjo pajisje mund të kontrollohet nga distanca me një telefon të mençur ose një kompjuter tablet. Nëse pajisja nuk është e lidhur me rrjetin shtëpiak, do të funksionojë si një pajisje e zakonshme.

Fikja e alarmit:

• për të pranuar dhe fikur alarmin akustik, shtypni butonin I. Kur butoni I shtypet herën e parë, alarmi do të fiket dhe në njësinë e ekranit B ose C do të tregohet temperatura më e lartë e regjistruar në ndarjen përkatëse. Kur butoni I shtypet herën e dytë, në njësinë e ekranit B ose C do të pulsojë temperatura e vendosur aktualisht. Treguesi i temperaturës do të vazhdojë të pulsojë derisa temperatura aktuale në pajisje të bjerë nën nivelin e alarmit.

• Pasi pajisja të arrijë një temperaturë të përshtatshme, atëherë ekrani i temperaturës do të ndalojë pulsimin dhe do të ndriçojë në mënyrë të vazhdueshme.

• Në qoftë se nuk e pranoni dhe fikni alarmin akustik, atëhere ai do të aktivizohet çdo orë, për afërsisht 15 minuta.

Në qoftë se dera e ndarjes së frigoriferit ose të ngrirësit qëndroh hapur për shumë kohë, do të aktivizohet një alarm akustik (bip përsëritës). Në qoftë se alarmi nuk fiket manualisht, ai do të dëgjohet për 10 minuta. Pajisja do të vazhdojë të operojë sikur dera të ishte e mbyllur.

Fikja e alarmit: për të fikur alarmin, mbyllni derën e pajisjes.

Pasi të shtypni përsëri butonin I, alarmi i mungesës së energjisë (defektit në furnizimin me energji) do të çaktivizohet përfundimisht dhe temperatura e vendosur do të shfaqet në njësinë e ekranit B ose C.

Në qoftë se në të njëjtën kohë do të aktivizohet edhe alarmi i temperaturës së lartë, pasi të keni çaktivizuar alarmin e defektit në furnizimin me energji, ai do të funksionojë sipas përshkrimit në kapitullin “Alarmi i temperaturës së lartë”.

• Ena në fund të frigoriferit është e synuar për të mbajtur fruta dhe perime. Ajo siguron lagështirë dhe nuk e lejon ushqimin të thahet.

• Lagështira në sirtarët rregullohet në mënyrë automatike, në varësi të llojit dhe të sasisë së ushqimit të futur.

(Vetëm në disa modele)

Ndarja ZeroZone lejon mbajtjen e një shumëllojshmërie ushqimi të freskët për deri në tre herë më gjatë sesa në një frigorifer tradicional. Ushqimi qëndron i freskët më gjatë, duke ruajtur shijen dhe lëndët ushqyese. Temperatura në këtë sirtar varet nga parametrat e temperaturës në ndarjen frigoriferike, nga temperatura e mjedisit, nga shpeshtësia e hapjes së derës dhe nga sasia e ushqimit të vendosur në të.

Për një temperaturë rreth 0 °C në sirtarin ZeroZone, ne rekomandojmë vendosjen e ndarjes frigoriferike në një temperaturë më të ulët se 4 °C. Temperatura në sirtarin ZeroZone mund të bjerë më poshtë se 0 °C; rrjedhimisht, lëvizini ushqimet e ndjeshme ndaj ngricës në pjesët e sipërme të ndarjes frigoriferike.

Për një performancë optimale, sirtari duhet të jetë i mbyllur plotësisht.

• Kur të blini ushqime, sigurohuni që të jenë të freskëta, pasi kjo do të përcaktojë cilësinë e ushqimit, si dhe sa kohë do të mbahet në frigorifer.

• Ushqimin mbajeni në enë të mbyllura ose në paketime të përshtatshme për të mos e lejuar të lëshojë ose të marrë aroma.

• Merreni ushqimin nga sirtari 30 deri në 60 minuta përpara përdorimit, për të lejuar aromën dhe shijen që të zhvillohen në temperaturën e dhomës.

• Ushqimet e ndjeshme ndaj temperaturës së ulët dhe të papërshtatshme për t’u mbajtur në sirtarin ZeroZone, përfshijnë sa më poshtë: ananas, avogado, banane, ullinj, patate, patllixhane, kastraveca, bizele, specat (pjepër), pjeprat, shalqinët, kungulleshkat etj.

• Në qoftë se keni nevojë për hapësirë shtesë për frutat dhe perimet tuaja, mund ta shndërroni sirtarin tuaj ZeroZone në një sirtar për frutat dhe perimet (CrispZone).

• Sistemi i avancuar MultiFlow shpërndan ajrin në mënyrë të barabartë dhe barazon temperaturën në të gjithë frigoriferin. Ky sistem gjithashtu lejon vendosjen e çdo lloj ushqimi në çdo raft në frigorifer, pasi nuk ka ndryshime të temperaturës midis tyre.

• Sistemi i avancuar i ventilatorit MultiFlow shpërndan në mënyrë të barabartë ajrin e jonizuar dhe barazon temperaturën në të gjithë frigoriferin. Ajri i pasuruar me jone ekstra negative imiton mikroklimën natyrale që e mban ushqimin të freskët më gjatë. Ky sistem lejon edhe vendosjen e çdo lloj ushqimi në çdo raft të frigoriferit, pasi nuk ka ndryshim të temperaturës midis tyre.

Teknologjia inovatore e sensorëve lejon rregullimin e operimit të pajisjes elektroshtëpiake sipas zakoneve ose sjelljes së përdoruesit. Sistemi i monitorëve të përshtatshëm inteligjentë analizon dhe regjistron në një bazë ditore dhe javore përdorimin e pajisjes elektroshtëpiake dhe e përshtat operimin e pajisjes elektroshtëpiake sipas modeleve të perceptuara. Në qoftë se pajisja elektroshtëpiake është në gjendje të përballojë frekuencën e rritur të derës së hapur, pajisja elektroshtëpiake do të ulë automatikisht temperaturën përpara kësaj kohe për të parandaluar rritjen e temperaturës së ushqimit meqenëse dera hapet më shpesh. Pajisja elektroshtëpiake do të përballojë gjithashtu shtimin e sasive më të mëdha të ushqimit në frigorifer ose në ngrirje dhe të përshtatet me ftohjen ose me ngrirjen në mënyrë më intensive.

Për të shmangur kontaminimin e ushqimit, ju lutemi të respektoni udhëzimet e mëposhtme:

• Hapja e derës për periudha të gjata mund të shkaktojë një rritje të konsiderueshme të temperaturës në ndarjet e pajisjes.

• Pastroni rregullisht sipërfaqet që mund të bien në kontakt me ushqimin dhe sistemet e aksesueshme të kullimit.

• Mishin e papërpunuar dhe peshkun, në frigorifer mbajeni në enë të përshtatshme, në mënyrë që ato të mos jenë në kontakt ose të kullojnë në ushqimet e tjera.

• Në rast se pajisja frigoriferike lihet bosh për periudha të gjata, fikeni, shkrijeni, pastrojeni, thajeni dhe lëreni derën e hapur për të parandaluar zhvillimin e mykut brenda pajisjes.

• Për të përdorur të gjithë vëllimin e ngrirësit, hiqini të gjithë sirtarët.

• Aktivizojeni funksionin super freeze (super ngrirje) 24 orë pasi të keni ngrirë ushqimin e freskët:

  • shtypni butonin H.

Për të siguruar që ushqimi të ngrijë sa më shpejt që të jetë e mundur, shpërndani paketat siç përshkruhet më poshtë:

• Ndani ushqimin e freskët në paketa më të vogla (1 kg). Vendosni dy paketa mbështetur për murin e pasmë përgjatë skajit të majtë dhe të djathtë të sirtarit të sipërm, një paketë në mes përpara tyre (gjithashtu në sirtarin e sipërm) dhe një paketë në sirtarin e mesëm, mbështetur për mesin e murit të pasmë.

Sigurohuni që ushqimi i freskët të mos jetë në kontakt me ushqimin që është tashmë i ngrirë.

• Kur ngrihen sasi më të vogla ushqimi (1-2 kilogram), aktivizimi i funksionit super freeze nuk është i nevojshëm.

• Kur mbahen dhe përdoren ushqime të ngrira, zbatoni udhëzimet e prodhuesit. Temperatura dhe data e skadencës janë të shkruara në paketim.

• Zgjidhni vetëm ushqim me paketim të padëmtuar, të mbajtur në ngrirësa në temperaturat prej –18 °C ose më të ulëta.

• Mos blini ushqim të mbuluar me brymë (akull) pasi kso gjë tregon se ai është shkrirë pjesërisht disa herë dhe se është i një cilësie më të ulët.

• Mbrojeni ushqimin nga shkrirja gjatë transportit. Në rast të rritjes së temperaturës, koha e mbajtjes duhet të jetë më e shkurtër dhe do të ulet cilësia.

Koha e rekomanduar e mbajtjes në ngrirës

Lloji i ushqimit	Koha
Fruta, mish lope	nga 10 deri në 12 muaj
Perime, mish viçi, shpendë	nga 8 deri në 10 muaj
Mish dreri	nga 6 deri në 8 muaj
Mish derri	nga 4 deri në 6 muaj
Mish i grirë ose në copa të vogla	4 muaj
Bukë, brumëra, ushqime të gatuara, copa peshku lean fish	3 muaj
Të brendshme	2 muaj
Sallamra të tymosur, peshq të dhjamur	1 muaj

• Shkrirja është një hap i rëndësishëm kur ushqimi ruhet i ngrirë. Ushqimi duhet të shkrihet në mënyrën e duhur.

• Më poshtë janë metodat e përshtatshme të shkrirjes:

  • në frigorifer,

  • në ujë të ftohtë,

  • në një furrë me mikrovalë ose në një furrë tradicionale me një program të përshtatshëm për shkrirje.

• Disa produkte të ngrira mund të gatuhen pa u shkrirë paraprakisht. Kjo do të specifi kohet nga prodhuesi në paketim.

• Ushqimin paketojeni në sasi të vogla. Kjo do të lejojë që ushqimi të shkrijë më shpejt.

• Ushqimin e shkrrirë pjesërisht ose plotësisht, përdoreni sa më shpejt të jetë e mundur. Bakteret në ushqimin e shkrirë riaktivizohen dhe ushqimi do të prishet shpejt. Kjo vlen veçanërisht për frutat, perimet dhe ushqimet e gatshme.

• Mos e ngrini përsëri ushqimin që është shkrirë pjesërisht ose plotësisht.

Frigoriferi nuk ka nevojë të shkrihet, sepse akulli në pjesën e brendshme të murit të pasëm shkrin automatikisht. I gjithë akulli i grumbulluar do të shkrijë kur njësia e kompresorit të mos jetë aktive. Pikat do të rrjedhin nëpërmjet një hapësire në murin e pasëm të frigoriferit në tabakanë e vendosur poshtë kompresorit, nga ku do të avullojnë.

Sigurohuni që hapësira në murin e pasëm të pjesës së brendshme të frigoriferit nuk do të bllokohet asnjëherë nga ushqimi ose nga asnjë objekt tjetër.

Në qoftë se në murin e pasëm të pjesës së brendshme të frigoriferit formohet një shtresë e trashë akulli (3–5 mm), fikeni pajisjen elektroshtëpiake dhe shkrijeni manualisht pajisjen elektroshtëpiake.

• Ngrirësi pa akull/NoFrost do të shkrijë automatikisht. Çdo shtresë akulli që mund të krijohet herë pas here do të zhduket automatikisht.

• Në muret e pajisjes mund të krijohet një shtresë nrgice, pavarësisht nga veçoria NoFrost. Zakonisht, kjo është rezultat i përdorimit jonormal të pajisjes, siç është hapja shumë e shpeshtë e derës, duke e lënë derën të hapur për një kohë shumë të gjatë, izolimi i dobët i dyerve etj.

Në këtë rast, ngrirësi mund të shkrihet manualisht, sipas procedurës së mëposhtme: